თბილისში ერთ-ერთი ყველაზე სასურველი სასიძო ახალგაზრდა ფარმაცევტზე დაქორწინდა
თბილისელებს ლამის ყველაზე მნიშვნელოვანი პოლიტიკური მოვლენები დაავიწყა ახალმა და სასიხარულო ფაქტმა: ჩვენი ქალაქის ერთ-ერთი ყველაზე სასურველი სასიძო, დავით საგანელიძე, სრულიად მოულოდნელად, კუპიდონის ისრით პირდაპირ გულში დაჭრა მშვენიერმა ფარმაცევტმა გოგონამ, სოფო ფარცხალაძემ. ჭრილობა იმდენად ღრმა და ძლიერი აღმოჩნდა, რომ მათი ერთი ნახვით შეყვარება რამდენიმე დღის შემდეგ ოჯახის შექმნით დასრულდა.
ბედნიერი წყვილი ამჟამად საქორწინო მოგზაურობაში იმყოფება. ჯვრისწერა, ქორწილი და სხვა ოფიციალური ღონისძიებები, სავარაუდოდ, მათ დაბრუნების შემდეგ აქვთ დაგეგმილი. როგორც გავიგეთ, გასაიდუმლოებულია როგორც მათი ტელეფონის ნომრები, ისე ქვეყანა, სადაც ისინი თაფლობის თვეს ატარებენ. ჩვენ მხოლოდ ერთი ვიცით, რომ სოფო დათოზე ასაკით გაცილებით უმცროსია.
ჟურნალი „თბილისელები” ულოცავს ბატონ დათოსა და მის მეუღლეს გაბედნიერებას და მარადიულ სიყვარულსა და სიკეთეს უსურვებს მათ.