კატალოგი
პოლიტიკა
ინტერვიუები
ამბები
საზოგადოება
მოდი, ვილაპარაკოთ
მოდა + დიზაინი
რელიგია
მედიცინა
სპორტი
კადრს მიღმა
კულინარია
ავტორჩევები
ბელადები
ბიზნესსიახლეები
გვარები
თემიდას სასწორი
იუმორი
კალეიდოსკოპი
ჰოროსკოპი და შეუცნობელი
კრიმინალი
რომანი და დეტექტივი
სახალისო ამბები
შოუბიზნესი
დაიჯესტი
ქალი და მამაკაცი
ისტორია
სხვადასხვა
ანონსი
არქივი
ივნისი 2018 (152)
მაისი 2018 (211)
აპრილი 2018 (194)
მარტი 2018 (256)
თებერვალი 2018 (208)
იანვარი 2018 (215)

ვარჯიშები საკვების გადასამუშავებლად

რადგან დღევანდელ დიეტის რეცეპტში ზარმაცი კუჭის გააქტიურებაზე გესაუბრეთ, შევეცადეთ, ვარჯიშებიც მასთან მისადაგებული შეგვერჩია, რათა უკეთ დაეხმაროთ თავს პრობლემის მოგვარებაში. ამის გაკეთება კი სულაც არ არის რთული, უბრალოდ, ყოველი კვებიდან 15 წუთის შემდეგ უნდა შეასრულოთ ოთხი საკმაოდ მარტივი ვარჯიში, მერე კი მიიღოთ შხაპი და 10 წუთით მაინც წამოწვეთ.

ვარჯიში პირველი

დაჯექით იატაკზე და გააკეთეთ მართი კუთხე. ფეხები გაშალეთ და ოდნავ დააშორეთ ერთმანეთს. შემდეგ ჯერ ერთი ტერფისკენ გადაიხარეთ მთელი ტანით (ისე, რომ ხელით შეეხოთ ფეხის თითებს) ნელ-ნელა; ტერფებს რომ შეეხებით, რამდენიმე წამს შეყოვნდით, ისევ ნელი მოძრაობით მიიღეთ საწყისი მდგომარეობა და მერე ისეთივე მოძრაობით გადაიხარეთ მეორე ტერფისკენ. ვარჯიში შეასრულეთ 8-10-ჯერ.

ვარჯიში მეორე

დაჯექით იატაკზე. ხელები ამოიდეთ მუხლებქვეშ, ჩაეჭიდეთ წვივებს და შეეცადეთ, ისე ასწიოთ ფეხები (ხელების დახმარებით), რომ მუხლები მაქსიმალურად მიიჭიროთ მუცელზე. რამდენიმე წამს შეჩერდით და მიიღეთ საწყისი მდგომარეობა. ვარჯიში გაიმეორეთ 10-12-ჯერ.

ვარჯიში მესამე

დაწექით იატაკზე და ჰაერში გააკეთეთ ველოსიპედის მოძრაობა. ყოველი 15-16 ბრუნის შემდეგ ფეხები რამდენიმე წამით დაასვენეთ და ისევ „დაატრიალეთ“ უხილავი პედლები. ვარჯიში გაიმეორეთ 8-10-ჯერ.

ვარჯიში მეოთხე

დაწექით ზურგზე. ფეხები შეატყუპეთ და გაშალეთ ტანის სიგრძეზე, ხელები კი, ერთმანეთის პარალელურად დააწყვეთ იატაკზე თავის გასწვრივ (ანუ, მთლიანობაში ერთი სწორი ხაზი უნდა გამოვიდეს). შემდეგ, მაქსიმალურად ნელი მოძრაობით, ერთდროულად „დაძარით“ ხელები და ფეხები ერთმანეთის მიმართულებით და დაახლოებით მუცლის პერპენდიკულარულ ხაზზე „შეახვედრეთ“ ერთმანეთს. შეჩერდით რამდენიმე წამით და მერე ისევ ნელ-ნელა დაუბრუნდით საწყის მდგომარეობას.

ვარჯიში გაიმეორეთ 10-12-ჯერ.


скачать dle 11.3