მახაჩკალის „ანჟის” მფლობელმა, რუსმა მილიარდერმა სულეიმან ქერიმოვმა გუნდის ლეგიონერსა და ყველაზე ცნობილ ფეხბურთელს, ბრაზილიელ რობერტო კარლოსს დაბადების დღეზე 2 მილიონ დოლარად ღირებული ექსკლუზიური სპორტული ავტომობილი „ბუგატი ვეირონი” აჩუქა. წვეულების დროს, რომელიც სასტუმრო „მეტროპოლში” იმართებოდა და რომელიც კარლოსის 38 წლის იუბილესადმი იყო მიძღვნილი, ქერიმოვმა იუბილარს მცირე ზომის „ბუგატის” სათამაშო მოდელი აჩუქა, რასაც დაამატა, რომ გარეთ მას ზუსტად იგივე, ოღონდ, ნამდვილი ავტომობილი ელოდებოდა. კარლოსი შოკირებული იყო საჩუქრით და მეორე დღესვე ავტომობილი სამშობლოში გადაგზავნა. ქერიმოვის თქმით, თუკი უახლოეს 2-3 წელიწადში „ანჟი” რუსეთის ჩემპიონის ტიტულს დაეუფლება, გუნდის უკლებლივ ყველა ფეხბურთელი ზუსტად ასეთ საჩუქარს მიიღებს.