ამბობენ, რომ შვილის გამო მშობელი ყველაფერზეა წამსვლელი. სწორედ ამიტომ, ლონდონის „ჩელსისა” და ინგლისის ნაკრების კაპიტანი ჯონ ტერი საზოგადოებას ახალი იერით წარუდგა. შვილთან, სამერ როუზ ტერისთან ერთად, ჯონმა „ცხოველების” მასკარადში მიიღო მონაწილეობა და ვეფხვის გრიმით პოზირებდა ფოტოგრაფების წინაშე, ხოლო მის შვილს დალმატინელის ჯიშის ძაღლის ხალები ეხატა სახეზე. საინტერესოა, რომ სამერის დედა და ჯონის მეუღლე გვერდიდან ადევნებდა თვალს თავისი ქმარ-შვილის გართობას, რადგან თვითონ უარი განაცხადა, სახეზე რაიმე სახის მაკიაჟი გაეკეთებინა.