ლებრონ ჯეიმსი „ლივერპულის” აქციონერია
NBA-ს საკალათბურთო კლუბ „მაიამი ჰითის” ლიდერი ლებრონ ჯეიმსი ინგლისური საფეხბურთო კლუბის „ლივერპულის” აქციონერი გახდა, თუმცა, ჯერაც უცნობია, რა წილის მფლობელი გახდა ამერიკელი ვარსკვლავი. „ლივერპულის” აქციები ჯეიმსის ხელში „ფენვოი სპორტს მენეჯმენტთან” გაფორმებული ხელშეკრულების საფუძველზე მოხვდა. გარიგების თანახმად აქციების სანაცვლოდ კომპანია ლებრონის სარეკლამო კონტრაქტის მართვის ხელმძღვანელი გახდება. შეგახსენებთ, რომ „ფენვოი სპორტს მენეჯმენტის” ხელმძღვანელი ჯონ ჰერნია, „ლივერპულის” ამჟამინდელი მფლობელი, რომელმაც კლუბი ამერიკელებისგან, ჯონ ჯილეტისგან და ტიმ ჰიკსისგან შეიძინა.