კითხვა: გამიგია, რომ გოგრის თესლი კარგი საშუალებაა მახვილასთან ბრძოლაში, მართალია?

პასუხი: დიახ, გოგრის თესლი ჭიების საწინააღმდეგო ხალხური საშუალებაა, მაგრამ უფრო მარტივი გზაც არსებობს: პირანტელის ან ვერმოქსის აბები.

კითხვა: რა არის „ფანტომური ტკივილები”?

პასუხი: კიდურის ამპუტაციის შემდგომ, პოსტოპერაციულ პერიოდში პაციენტი „გრძნობს” არარსებულ ორგანოს, ზოგ შემთხვევაში, შესაძლებელია, ძლიერი ტკივილებიც.

კითხვა: რა პრეპარატებით შეიძლება ანურექსიის და ბულემიის მკურნალობა?

პასუხი: ანურექსიის და ბულემიის დროს გამოიყენება ანტიდეპრესანტებისა და ნეიროლეპტიკების ფართო სპექტრი. მკურნალობა უნდა შეარჩიოს ექიმმა.

კითხვა: რა არის ცრუ სახსარი და როგორ ვუმკურნალოთ მას?

პასუხი: მოტეხილობის შეუხორცებლობის შემთხვევაში, შეიძლება, ცრუ სახსარი ჩამოყალიბდეს. ნორმალური სახსრისგან განსხვავებით, მას არ აქვს ხრტილოვანი ზედაპირები და მყესები. საჭიროა ქირურგიული მკურნალობა.

კითხვა: ანტიბიოტიკების კურსის შემდეგ ხშირად მაწუხებს მუცლის შებერილობა. ალბათ, დაირღვა ნაწლავური ფლორა. რის გაკეთება შეიძლება?

პასუხი: უპირველესად, განავლის ანალიზი დისბაქტერიოზზე. კონსულტაცია და მკურნალობის დანიშვნა ექიმ-გასტროენტეროლოგის კომპეტენციაა.

კითხვა: რა დაავადებაა ვიტილიგო?

პასუხი: ვიტილიგო – კანის დაავადებაა, რომელსაც კანზე დეპიგმენტირებული (ღია ფერის) ლაქების გაჩენა ახასიათებს და მხოლოდ კოსმეტიკური პრობლემაა. სამწუხაროდ, მკურნალობა ნაკლებად ეფექტურია.

კითხვა: რა არის ქრონიკული ჰაიმორიტი?

პასუხი: სინუსიტი (მისი ნაირსახეობაა ჰაიმორიტი) არის ცხვირის დანამატების ანთებითი დაავადება. სინუსებში ლორწო და ჩირქი გროვდება. სიმპტომები: თავის ტკივილები, ცხვირით სუნთქვის შეფერხება, ტკივილები და შეშუპება ღრუების საპროექციო არეში.

კითხვა: საშიშია თუ არა C ჰეპატიტის ვირუსი?

პასუხი: ვირუსული C ჰეპატიტი, პრაქტიკულად, ყოველთვის ქრონიკული დაავადებაა და ხშირ შემთხვევაში, უსიმპტომოდ მიმდინარეობს. შეიძლება გახდეს ციროზის ან კიბოს მიზეზი. გადამდებია პირადი ჰიგიენის დარღვევის შემთხვევაში.

კითხვა: შეიძლება თუ არა ჯანმრთელი ბავშვის გაჩენა თუ დედა C ჰეპატიტით არის დაავადებული?

პასუხი: შეიძლება. თვეში ერთხელ დედას უნდა ჩაუტარდეს გამოკვლევა გამწვავების დროულად სამკურნალოდ. მშობიარობის შემდეგ იკვლევენ ბავშვს, არის თუ არა ის ვირუსის მატარებელი და შეჰყავთ იმუნოგლობულინი.

კითხვა: როგორია ადამიანის ფიზიოლოგიური მოთხოვნილება შაქარზე?

პასუხი: დღე-ღამეში ზრდასრული ჯანმრთელი ადამიანის ნახშირწყლების მოთხოვნილება შეადგენს 300-500 გრამს, მათ შორის სახამებლის – 350-450 გრამს და შაქრის – 50-100 გრამს. მაგრამ, ეს მაჩვენებლები შეიძლება სხვადასხვა იყოს განსხვავებული ფიზიკური დატვირთვის დროს.

რუბრიკას უძღვება ოჯახის ექიმი