რონი: არასდროს დაიწყოთ დღე, თუ ის ჯერ ქაღალდზე არ გაქვთ დაგეგმილი.

ლაფატერი: თუ გინდა, კეთილგონიერი გახდე, მიეჩვიე გონივრული კითხვების ყურადღებით მოსმენას და მშვიდ პასუხს.

ლაროშფუკო: მეგობრობის ყველაზე დიდი ღირსება ის კი არაა, რომ ჩვენი ნაკლი ვუჩვენოთ მეგობარს, არამედ ის, რომ დავანახვოთ მისივე ნაკლი.

ციცერონი: მატყუარის არ გვჯერა, სიმართლესაც რომ ლაპარაკობდეს.

განდი: იუმორის გრძნობა რომ არ მქონდეს, დიდი ხნის წინ მოვიკლავდი თავს.

ლაიბნიცი: ხალხს ნაკლოვანებები ისე არ სძულს, როგორც სისუსტე და უბედურება.

ავრელიუსი: ცხოვრების სიყვარული – ეს მარტო ჯანმრთელობის ნიშანი კი არ არის, არამედ ავადმყოფობისგან თავის დაღწევის ნამდვილი საშუალებაა.

დემოკრიტე: არ არსებობს იმაზე აუტანელი ბრიყვი, ვისაც ცოტაოდენი განათლება აქვს მიღებული.

საადი: თუ სიბრიყვე სახეზე არ არის ასახული, ეს ნიშნავს, რომ ის გონებაში სამმაგი რაოდენობით არსებობს.

ტულიუსი: სწავლის მსურველთ ხშირად თავიანთ მასწავლებელთა ავტორიტეტი ვნებს ხოლმე.

კონფუცი: ძველად სწავლობდნენ, რომ სრულყოფილებისთვის მიეღწიათ, ახლა სწავლობენ იმისთვის, რომ სხვები გააკვირვონ.

ვილანოველი: იქ, სადაც უდარდელი დროსტარებაა, გენიის სხივი არ ანათებს, იქ არაა დიდებისკენ მისწრაფება, უკვდავების ძიება და წარმოდგენაც კი არ აქვთ სათნოებაზე.

ნიუმენი: ქალის ტანსაცმელი ფერწერაა, კაცის ტანსაცმელი – სკულპტურა.

ბიბლია: მრავალნი არიან ჭირნი მართალნი.

ლაბრიუიერი: ადამიანები ჩივიან, გარდასული დღეები გონივრულად რომ ვერ გამოიყენეს, მაგრამ ჭკუას მაინც ვერ სწავლობენ და არც დარჩენილ დღეებს იყენებენ უკეთესად.

ტოლსტოი: არცოდნაზე სამარცხვინო თავის მოჩვენებაა – თითქოს იცი ის, რაც არ იცი.

მიხეილ ჯავახიშვილი: ჭკვიანთა და პატიოსანთა შორის გიჟობა მირჩევნიან, ვიდრე ჭკვიანობა და პატიოსნება გაგიჟებულ ავაზაკთა შორის.

სვიფტი: მოთხოვნილების დაკმაყოფილება სურვილების უარყოფის ფასად იგივეა, რაც ფეხსაცმელების საჭიროების დროს ფეხების მოკვეთა.

შექსპირი: ბევრი რამ ხდება, ჰორაციო, ქვეყნად ისეთი, რაც ფილოსოფოსთ სიზმრადაც არ მოელანდებათ.

ტულიუსი: ფილოსოფია – სულის მედიცინაა.

ჰორაციუსი: ფული თავის მფლობელზე ან ბატონობს, ან ემსახურება მას.

აკაკი ბაქრაძე: ფასი ძლიერის შემწყნარებლობას აქვს, თორემ, უძლური და სუსტი მპატიებელი უნდა იყოს, სხვა რა გზა აქვს.

ბლოკი: მხატვრის პირდაპირი მოვალეობაა, გაჩვენოს, და არა – დაგიმტკიცოს.

ბელინსკი: ვინც არ ესწრაფვის, ვერ მიაღწევს; ვინც ვერ გაბედავს, ვერც მიიღებს.

ჰემინგუეი: უნდა მივდიოთ იმ სიამოვნებას, რომელიც შრომას მოსდევს და არა, რომელიც უსწრებს მას.

ტიურგო: მცდარობა კი არ ეწინააღმდეგება ჭეშმარიტების პროგრესს, არამედ ჯიუტობა, ჩამორჩენილობა, ყველაფერი, რასაც კი უმოქმედობისკენ მივყავართ.

უაილდი: ქალები ისეთი განათლებულები გახდნენ, რომ არაფერი მათ არ აკვირვებთ, იღბლიანი ქორწინების გარდა.

ჩეხოვი: სიყვარული ასწავლის ადამიანს, როგორი უნდა იყოს ის.