დავიდ დე ხეა, მადრიდის „ატლეტიკოს” 20 წლის გოლკიპერი საზაფხულო ტრანსფერების დროს გრანდების ინტერესთა სფეროში მოექცევა და ამაზე ის ფაქტიც მეტყველებს, რომ „მანჩესტერ იუნაიტედი” დღესვე მზად არის მეკარის სანაცვლოდ ზღაპრული თანხა, – 30 მილიონი ფუნტი-სტერლინგი გადაიხადოს. ამ, მეორე იკერ კასილასად წოდებული მეკარით სხვა ცნობილი კლუბებიცაა დაინტერესებული. მადრიდელები კი, ახალი კონტრაქტის შეთავაზებით ცდილობენ, თავისთან დაიტოვონ პერსპექტიული კარის დარაჯი, რომლის მიმართ ესპანელი ლამაზმანების უმეტესობაც იჩენს უკვე ინტერესს. ეს კი იმაზე მიანიშნებს, რომ დე ხეას ამჟამინდელ მეგობარ გოგონას, ვულგარული იმიჯით ცნობილ მომღერალ ედურნ გარსია ალმაგროს, სერიოზული კონკურენტები გამოუჩნდებიან.