ლეგენდარული დიეგო მარადონა გარდა იმისა, რომ საფეხბურთო მოედნის გენიოსია, ის ასევე საწინააღმდეგო სქესის წარმომადგენელთა „შებმის” გენიოსადაც ითვლება. ამჯერად, არგენტინული პრესა დიდი დიეგოს ახალ სასიყვარულო ობიექტზე ამახვილებს ყურადღებას. საქმე ისაა, რომ ცნობილი პარაგვაელი მოდელი ლარისა რიკელმე, რომელმაც სახელი მსოფლიოს 2010 წლის ჩემპიონატის დროს გაითქვა, პოპულარული არგენტინული ტელეშოუს „ცეკვები ოცნებასთან” მონაწილე გახდა და როგორც ჟურნალისტები იუწყებიან, ამაში დიდი ღვაწლი დიეგო მარადონას მიუძღვის. დიეგომ თურმე მთელი თავისი სანაცნობო წრე შეაწუხა და აიძულა ისინი ლარისასთვის ადგილი მოეძებნათ შოუში. ამგვარად, სავსებით სავარაუდოა, რომ პარაგვაის ნაკრების ცეცხლოვანი ქომაგი – ლარისა, სულ მალე ერთ სამხრეთამერიკულ ნაკრებს მეორეზე გადაცვლის და არგენტინის გულშემატკივრად მოგვევლინება.