კითხვა: დავიბადე 1977 წლის 26 ივლისს, დილის 9 საათზე. მაინტერესებს, ასტროლოგიურად რომელი პროფესიებია ჩემთვის მეტად მისაღები?

პასუხი: პროფესიებიდან თქვენთვის მისაღებია: ჟურნალისტიკა, რადიო, ტელევიზია, პრესა, სარეკლამო ან საგამომცემლო ინდუსტრია, საკომუნიკაციო სისტემები, კომპიუტერული პროგრამები, ტურისტული ბიზნესი ან შემოქმედება. პროფესიული დიპლომატია საელჩოებისა და საკონსულოების დონეზე, ხელოვნება, დიზაინი, არქიტექტურა, საკონდიტრო ინდუსტრია, სოციოლოგია.

კითხვა: ჩემი შვილი დაიბადა 1987 წლის 17 იანვარს, დილის 11 საათზე. რომელი სფეროებია მისთვის მისაღები და წარმატების მომტანი და უცხოეთიდან რომელი ქვეყანაა უკეთესი?

პასუხი: თქვენი შვილისთვის უცხოეთი კარმული მისია ნამდვილად არ არის. იქ აუცილებლად შეექმნება პრობლემები და ადვილად ვერ დაიმკვიდრებს თავს. მაგრამ, თუ სურვილი აქვს და ბარიერების გადალახვას შეძლებს, კარგია შემდეგი ქვეყნები: მალაიზია, ბრაზილია, სინგაპური, ტაილანდი, პორტუგალია, ინგლისი, დანია, შვედეთი, ყაზახეთი, გერმანია, ამერიკის შეერთებული შტატები. პროფესიებიდან კი მისაღებია და წარმატებების მომტანი: პოეზია, ლიტერატურა, ხელოვნების ფართო სპექტრი, საქველმოქმედო საქმიანობა, დასვენების ინდუსტრია, სამეცნიერო კვლევითი საქმე, ფსიქოთერაპია, მანქანათმშენებლობა, გამომგონებლობა; ყველა ამ სფეროში მას წარმატებები ელის.

კითხვა: დავიბადე 1975 წლის 18 აგვისტოს. რომელი ასტროლოგიური ქვისგან დამზადებული სამკაულების ტარებას მირჩევთ, რომ ცხოვრებაში მეტად გამიმართლოს და წარმატებებს ადვილად მივაღწიო?

პასუხი: თქვენთვის კარგი და წარმატებების მომტანია შემდეგი ასტროლოგიური ქვები: სარდონიქსი, სარდიონი, ბრილიანტი, ქარვა, ლალი, იაგუნდი, ძოწი, იასპი და ტოპაზი.

კითხვა: ჩემი და დაიბადა 1996 წლის 7 აპრილს. უცხოეთი თუ არის მისი კარმული მისია და, კერძოდ, რომელი ქვეყანაა მისთვის მისაღები?

პასუხი: თქვენი დისთვის უცხოეთი არც დიდი წარმატებების მომტანია და არც წარუმატებლობის, ის მისთვის საშუალოა. რაც შეეხება ქვეყნებს, მისთვის მისაღებია: იტალია, არგენტინა, ბირმა, ჩინეთი, ტიბეტი, სან-მარინო, ესპანეთის კატალონიის მხარე, მონაკო, ლატვია, ჰავაის კუნძულები, ავსტრია, ბოსნია-ჰერცოგოვინა, ბულგარეთი, ისლანდია, მექსიკა, საბერძნეთი და ამერიკის შეერთებული შტატები.

კითხვა: დავიბადე 1993 წლის 6 აგვისტოს. რომელი პროფესიებია ჩემთვის მისაღები?

პასუხი: თქვენთვის კარგია და მისაღები: ტურისტული ბიზნესი, პოლიტიკა, პროფესიული დიპლომატია საკონსულოებისა და საელჩოების დონეზე, იურისპრუდენცია, პედაგოგიური მოღვაწეობა, პოეზია, ლიტერატურა, ხელოვნების ფართო სპექტრი, ქორეოგრაფია, ფოტოგრაფია, სადალაქო ინდუსტრია, საკონდიტრო სფერო, სოციოლოგია.