24 თებერვალს გენიალური შემოქმედის, მუსიკოსისა და პოეტის, ირაკლი ჩარკვიანის გარდაცვალებიდან ხუთი წელი გადის. უკვე ტრადიციად იქცა, რომ ამ დღეს ირაკლის მეუღლე – ქეთათო ჩარკვიანი მის მეგობრებსა და ირაკლის შემოქმედების თაყვანისმცემლებს ერთად კრებს, რათა ერთად გაიხსენონ მისი ცხოვრება და შემოქმედება. ამ დღეს ქეთათოს ორგანიზებით მოხდება ირაკლის ლექსების კრებულის პრეზენტაცია. ქეთათოს დიდი ხანია, უნდა კონცერტის გაკეთება, სადაც ირაკლის სიმღერებს ახლებური ჟღერადობით წარუდგენს მსმენელს. თუმცა, ეს საკმაოდ შრომატევადი პროცესია და ამიტომ, როდის მოხერხდება ამ პროექტის განხორციელება ჯერჯერობით უცნობია.