მხოლოდ ფაქტები
* 1715 წელს საფრანგეთის პარლამენტმა მიიღო გადაწყვეტილება, დაეწვათ ყველა წიგნი, რომელიც აბსოლუტური მონარქიის საწინააღმდეგო აზრს ან რამე მინიშნებას შეიცავდა. თუმცა, ამავე გადაწყვეტილებით, პარლამენტმა ხელი შეუწყო, მეამბოხე აზრები გაევრცელებინა გაუნათლებელ, წერა-კითხვის უცოდინარ ადამიანებშიც კი, რადგან ჯალათი ვალდებული იყო, დაწვრილებით მოეყოლა ის, რისთვისაც ეს წიგნი ნადგურდებოდა.
* ყველამ იცის, რომ გამოთქმა „ევრიკა“ არქიმედეს ეკუთვნის, „და ის მაინც ბრუნავს“ – გალილეის, ნიუტონის ცნობილი გამოთქმა კი ასეთია – „ჰიპოთეზებს არ ვიგონებ“.
* ამერიკის უკანასკნელი 23 პრეზიდენტი არჩევნებში მონაწილე პრეზიდენტობის კანდიდატებზე მაღალი იყო.
* სინანთროპი – 1918 წელს აღმოაჩინეს ჩინეთში; ავსტრალოპითეკი („სამხრეთელი“) – 1924 წელს აფრიკაში, კენიაში; რამაპითეკი (რამას პატივსაცემად დაარქვეს) – 1934 წელს, ინდოეთში.
* ჰოლანდიაში დგას ლავრენტი კოსტერის ძეგლი, ბელგიის ქალაქ ბრიუგეში – იოან ბრიტოს, იტალიაში – პამფილიო კატილდრის... სასტამბო საქმის პიონერად კი ოფიციალურად მიჩნეულია იოჰან გუტენბერგი, რომლის ძეგლებიც ევროპის ბევრ ქალაქში დგას.
* არც ისე დიდი ხნის წინათ აღმოაჩინეს ახალი მინერალი, რომელსაც ტრანკვილიტიტი დაარქვეს იმიტომ, რომ ის სიმშვიდის ზღვის ფსკერზე აღმოაჩინეს... მთვარეზე.
* სალვადორ დალი ავსტრიელ მხატვარს ერიხ ფუქსს „ავსტრიელ დალის“ უწოდებდა, თავის თავს კი „ესპანელ დიურერს“.
* ჩერნობილში მომხდარი ატომური ელექტროსადგურის ავარიის შემდეგ წლებში ყაყაჩოს ყვავილის ბუტონების დიამეტრი 40-50 სანტიმეტრს აღწევდა.
* სან-ფრანცისკოს მეტეოროლოგიური ბიურო ამინდის პროგნოზს ყოველდღე ასეთი სახით გადმოსცემს: „წვიმის ალბათობა 7-3-ზეა, ან თოვლი არ იქნება ალბათობით – 8-2-ზე“. საქმე ისაა, რომ ბიუროს ხელმძღვანელი პროპორციას 10 თანამშრომლის მონაცემებით ადგენს.
* ყელსახვევები პირველად ხორვატებს ეკეთათ.
* 135 წლის წინათ პარიზში ზედა სართულის მობინადრეებს ჰიდრავლიკური ლიფტი ემსახურებოდათ. ამ კომფორტისთვის ისინი ბინის ქირას გაცილებით მეტს იხდიდნენ, ვიდრე დაბლა სართულზე მცხოვრებნი.