ჰოლანდიაში მარიხუანა ლეგალიზებულია, თუმცა მისი ტრანსპორტირება სხვა ქვეყნებში კანონდასჯადია და სწორედ ეს ფაქტი არ გაითვალისწინა, ჰოლანდიური „ფეიენოორდის” მოთამაშემ ტერენს მატეუს კოიტისიერმა და პოლიციის თქმით, 2008 წლიდან მარიხუანის ტრანსპორტირებას ახორციელებდა დიდ ბრიტანეთში. სპეციალურ პაკეტებში ჩადებული მარიხუანა ყვავილებთან ერთად იგზავნებოდა ნისლიან ალბიონზე, იქ კი მისი გატანა ხდებოდა ადგილობრივ ნარკო-ბაზარზე. ფეხბურთელი ესპანურმა პოლიციამ აიყვანა კანარის კუნძულებზე, როდესაც ეს უკანასკნელი საზამთრო შესვენების პერიოდში მზადებას გადიოდა გუნდთან ერთად. ბრიტანული პოლიციის თქმით, საერთო ჯამში კოიტისიერს 635 კილოგრამი მარიხუანა ჰქონდა გაგზავნილი ბრიტანეთში. საინტერესოა, რომ ამ რამდენიმე ხნის წინ „ფეიენოორდი” ჰოლანდიის ჩემპიონატში „პსვ”-თან კატასტროფული და სასირცხვილო ანგარიშით, 0-10 დამარცხდა და გაჩნდა სერიოზული ეჭვი, რომ კოიტისიერის კლიენტთა რიცხვში მისივე თანაკლუბელებიც შედიოდნენ.