მიუნხენის „ბაიერნის” ნახევარმცველმა ანდრეას ოტლმა შეცდომით, ბუქარესტის „დინამოსთან” წამოიწყო მოლაპარაკებები და კინაღამ რუმინულ კლუბში ამოჰყო თავი. საქმე ისაა, რომ როდესაც ფეხბურთელს აგენტები დაუკავშირდნენ, მან იფიქრა, რომ მისით მოსკოვის „დინამო” იყო დაინტერესებული, სადაც ოტლის თანამემამულე კევინ კურანი აგრძელებს კარიერას და ბუქარესტული კლუბის წარმომადგენლებს წინასწარი თანხმობა განუცხადა კლუბში გადასვლაზე. თუმცა, როდესაც საქმე საქმეზე დადგა და ფეხბურთელი ბუქარესტში უნდა ჩასულიყო კონტაქტის ხელმოსაწერად, ოტლმა აღმოაჩინა, რომ მისით არა რუსული, არამედ რუმინული „დინამო” იყო დაინტერესებული. მოგვიანებით ოტლმა კომენტარი გააკეთა და აღნიშნა, რომ მას უბრალოდ აერია ერთმანეთში რუსეთი და რუმინეთი. საინტერესოა, ოტლს თბილისის „დინამოდან” რომ დაკავშირებოდა ვინმე, რომელ ქვეყანაში აერეოდა მას საქართველო.