სააფთიაქო გვირილის პრეპარატებს ახასიათებს ტკივილგამაყუჩებელი, ანთების საწინააღმდეგო და ანტისეპტიკური მოქმედება. აძლიერებს რეგენერაციის პროცესს.

მას ხმარობენ ბრონქიალური ასთმის, რევმატიზმის, ალერგიის, კოლიტების, გასტრიტების, ეგზემის, დამწვრობის სამკურნალოდ. ასევე, როგორც სპაზმოლიტურ, ნაღველმდენ და ოფლის მომგვრელ საშუალებას.

სააფთიაქო გვირილის ყვავილები საუკეთესო საშუალებაა ფიტოთერაპიაში კუჭის ლორწოვანი გარსის მწვავე და ქრონიკული ანთების სამკურნალოდ. მკურნალობის ხანგრძლივობა დაახლოებით 2 თვეა. ის, ასევე, კარგია ანგინის, ღრძილების ანთებისა და ბუასილის დროსაც.

სახლის პირობებში წამალი ასეთი წესით უნდა მოამზადოთ:

* ორი სუფრის კოვზი ნედლეული ჩაყარეთ მომინანქრებულ ჭურჭელში, დაასხით ერთი ჩაის ჭიქა მდუღარე წყალი. მჭიდროდ დაახურეთ თავსახური და გააჩერეთ დაახლოებით ორი საათის განმავლობაში. შემდეგ გადაწურეთ და დალიეთ თითო სუფრის კოვზი 3-4-ჯერ დღეში, ჭამის წინ.

ანგინის დროს, იგივე ნაყენი, ოღონდ თბილი, გამოივლეთ ყელში, ხოლო ღრძილების ანთების დროს კი – პირის ღრუში.