კანი იაშვილამდე არ მიუშვეს
ლეგენდარულმა გერმანელმა მეკარემ, ოლივერ კანმა, კარიერა „კარლსრუეში“ დაიწყო – გუნდში, რომლის კაპიტანიც ამჟამად ალექსანდრე იაშვილი გახლავთ. გასულ კვირას „კარლსრუეში“ ახალი პრეზიდენტის არჩევნები ჩატარდა და მასში მონაწილეობას კანიც იღებდა, მაგრამ პოლ მეცგერთან დამარცხდა.
„დარწმუნებული ვიყავი, რომ „კარლსრუეს“ სხვა სიმაღლეებზე ავიყვანდი. ამ გუნდში შვიდი წლის განმავლობაში ვითამაშე, თანაც, ჩვენი გუნდის თავკაცი მამაჩემი იყო. ამიტომ აქ ყველაფერი მშობლიური და ჩემთვის ძალიან ნაცნობია, თუმცა პრეზიდენტად მაინც არ ამირჩიეს. მოვა დრო და მე „კარლსრუეში“ მაინც დავბრუნდები“, – განაცხადა კანმა.