შევჩენკო აბრამოვიჩის იახტაზე მზეს ეფიცხება
უშანგი რუხაძე
რუსი ოლიგარქის, რომან აბრამოვიჩის იახტა „ეკლიფსი” მსოფლიოში ერთ-ერთი საუკეთესოა და „ჩელსის” მფლობელი ხშირად იღებს სტუმრებს ამ იახტის ბორტზე. ამჯერად ოლიგარქი საახალწლო არდადეგებს კარიბის ზღვაში ატარებს, ხოლო მისი სტუმრები კიევის „დინამოს” ფორვარდი ანდრეი შევჩენკო და მისი მომხიბვლელი მეუღლე – კრისტინ პაზიკი არიან. აღსანიშნავია, რომ ფოტოგრაფებმა იმ მომენტში დააფიქსირეს შევჩენკო იახტაზე, როდესაც იგი მეუღლესთან ერთად მარტო იმყოფებოდა ბორტზე და თავს ისე გრძნობდა, თითქოს იახტა მის საკუთრებას წარმოადგენს. შევჩენკო და აბრამოვიჩი მას შემდეგ მეგობრობენ, რაც უკრაინელი ვარსკვლავი მის გუნდში თამაშობდა 2006-2009 წლებში.