შეკითხვა ასტროლოგს
კითხვა: დავიბადე 1980 წლის 22 ივლისს, დილის საათებში. რა უნდა გავაკეთო, რომ წარმატებული ვიყო, როგორც პირად ცხოვრებაში, ასევე კარიერაში და რა არის ჩემი კარმულ-კოსმიური მისია?
პასუხი: წარმატებული რომ გახდეთ, უნდა შეძლოთ საკუთარ თავზე პასუხისმგებლობის აღება, ლიდერულ-ორგანიზატორული თვისებების წარმოჩენა. ასევე, იყავით აქტიური, ენერგიული, ინიციატივიანი. მაქსიმალურად ეცადეთ, სტაბილური გახადოთ ურთიერთობა პარტნიორულ-სასიყვარულო სფეროში. სადაც შეხვალთ, შეიტანეთ ჰარმონია, სილამაზე, სიმშვიდე და არა აგრესია, დეპრესია. მეტი ყურადღება დაუთმეთ ოჯახის წევრებს. ეს თქვენი კარმულ-კოსმიური მისიაა. ასევე, მიუდექით საქმეს მეტი სერიოზულობით. ეს ის თვისებებია, რომელიც თქვენი კოსმიური მისიაა და თქვენთვის წარმატების მომტანია ცხოვრებაში.
კითხვა: ჩემი და დაიბადა 1993 წლის 30 ივლისს, ღამის საათებში. რომელ პროფესიებში ექნება მეტი წარმატებები?
პასუხი: სანამ პროფესიებს ჩამოვთვლი, გეტყვით, რომ თქვენი დის კოსმიური მისია უცხოეთთან კონტაქტია. პროფესიებიდან კი კარგია და წარმატებების მომტანი: ტურისტული ორგანიზაციების ბიზნესი, პროფესიონალური დიპლომატია საელჩოებისა და საკონსულოების დონეზე, იურისპრუდენცია, პოეზია, ლიტერატურა, ხელოვნების ფართო სპექტრი, პარფიუმერიული და კოსმეტიკური საქმიანობა ან ბიზნესი, არქიტექტურა, საკონდიტრო სფერო, სოციოლოგია და ფსიქოლოგია.
კითხვა: დავიბადე 1976 წლის 1 ნოემბერს. რომელ პროფესიაში მელის მეტი წარმატება და რომელი უცხო ქვეყანაა ჩემთვის მისაღები?
პასუხი: უცხოეთი თქვენთვის დიდი წარმატების მომტანი არ არის. თუმცა, არც ცუდია. შესაბამისად ქვეყნებიდან კარგია და მისაღები: უკრაინა, ირლანდია, პოლონეთი, შვეიცარიის აღმოსავლეთი მხარე, ბელგია, მოლდავეთი, არგენტინა, ესტონეთი, ფინეთი, ეგვიპტე, ბულგარეთი, ისრაელი, კუნძული შრი-ლანკა, გერმანიის ბავარიის მხარე, ნორვეგია, სირია, შვედეთის დასავლეთი მხარე, კუბა, მექსიკა, უნგრეთი. რაც შეეხება პროფესიებს, კარგია და წარმატების მომტანი: სასწრაფო დახმარების სამსახური, რეანიმატოლოგია, სტომატოლოგია, ქირურგია, გინეკოლოგია, ფსიქიატრია, არატრადიციული მედიცინა – მაგალითად, ჰომეოპათია, ფიტოთერაპია, ექსტრასენსორიკა, სუჯუკ-თერაპია. ასევე, კარგი სამსახურია თქვენთვის სამართალდამცავი ორგანოები, საგამოძიებო საქმე, მაკონტროლებელი ორგანოები – კონტროლის პალატა, საგადასახადო ინსპექცია, საბაჟო და სადაზღვევო კომპანიები; ასევე, უძრავი ქონების ბიზნესი, ფილოსოფია, ფსიქოლოგია, პედაგოგიკა, სასოფლო-სამეურნეო საქმიანობა ან შემოქმედება, მშენებლობის ფართო სპექტრი, საბანკო, ეკონომიკური, სავაჭრო, საფინანსო საქმიანობის ფართო სპექტრი. თუ წინაღობებს და ბარიერებს გადალახავთ, წარმატება გელით პოეზიაში, ლიტერატურაში, ხელოვნებაში, დიზაინში, სამოდელო საქმეში, არქიტექტურასა და პარფიუმერიულ-კოსმეტიკურ საქმიანობაში.