იტალიელებს აცრიან
10 ოქტომბერს იტალიის ეროვნული ნაკრები მსოფლიოს 2010 წლის ჩემპიონატის შესარჩევ ტურნირში ირლანდიას ესტუმრება, ოთხი დღის შემდეგ კი კვიპროსის ეროვნულ გუნდს მასპინძლობს. ჰოდა, „სკუადრა აძურას“ მთავარი მწვრთნელი, მარჩელო ლიპი, საინტერესო ინიციატივით გამოვიდა.
„მოედანზე ფეხბურთელებს სხვა მოთამაშეებთან უწევთ კონტაქტი და დიდია იმის ალბათობა, რომ რომელიმე მოთამაშეს რაიმე ინფექცია გადაედოს. ალბათ, ხვდებით, რომ საუბარი ეგრეთ წოდებულ ქათმის გრიპზე მაქვს. ამიტომ, ფეხბურთის ფედერაციას უკვე მივმართე და მინდა, რომ თითოეულ ფეხბურთელს ვაქცინაცია ჩაუტარდეს. ამით ჩვენც დაზღვეულები ვიქნებით და, ალბათ, მეტოქე გუნდის მოთამაშეებიც უფრო მშვიდად იგრძნობენ თავს“, – განაცხადა ლიპიმ.