* კომპოზიტორი რობერტ შუმანი, გარდა იმისა, რომ თავისი ნაწარმოებების უბადლო შემსრულებელი იყო, გამოირჩეოდა მრავალმხრივი ნიჭით, მათ შორის მხედართმთავრისა და სახელმწიფო მოღვაწის. მან შექმნა მუსიკოსების ძმობა-კავშირი, რომელსაც ებრაელთა მეფე დავითის პატივსაცემად „დავიდსბუნდი“ დაარქვა.

* 1968 წელს რიფ „შვიდ ქვას“ ნავთობით დატვირთული ხომალდი „ტორი კანიონი“ შეეჯახა. რომ არ დაბინძურებულიყო ტერიტორია და განსაკუთრებით – პლაჟი, დიდი ბრიტანეთის სამხედრო ესკადრილიამ გემი ფუგასური ბომბებით ააფეთქა და ამით მთელი ნავთობი დაწვა.

* 1940 წელს ამერიკაში გასაყიდად გამოუშვეს ქიმიკოს კაროზაროსის ქმნილება – ნეილონის წინდები, რასაც რეკლამა 12-მეტრიანი წინდებით გაუკეთეს.

* მეცხრამეტე საუკუნეში თამბაქოს ფაბრიკანტები, მილერი და გერმანი, სხვადასხვა სახის სიგარეტს უშვებდნენ, მათ შორის იყო თეატრალებისთვისაც, რომელიც მხოლოდ ორი-სამი შესუნთქვისთვის იყო საკმარისი. ამ სიგარეტს „ანტრაქტი“ ერქვა.

* ქიმიური დახვევა გერმანელმა პარიკმახერმა კარლ ნესტლემ გამოიგონა, მისი გამოგონებაა, ასევე, ხელოვნური წამწამებიც.

* 1988 წელს ცნობილი ფრანგი პანკ-როკერის – ბერტრანის ფირფიტის ჩაწერაში მონაწილეობა მიიღო რომის პაპმა, იოანე-პავლე მეორემ, რომელიც ბერტრანის ლექსებს ინგლისურ, იტალიურ, ესპანურ, პოლონურ და ფრანგულ ენებზე კითხულობდა.

* ერთ-ერთ გამოფენაზე ექსპონირებული იყო გუგულის კვერცხები, სულ – 919 ცალი, რომლებიც 76 სახეობის ფრინველთა ბუდეებიდან შეაგროვეს. აღსანიშნავია, რომ ყველა კვერცხი აბსოლუტურად სხვადასხვა შეფერილობის იყო.