კატალოგი
პოლიტიკა
ინტერვიუები
ამბები
საზოგადოება
მოდი, ვილაპარაკოთ
მოდა + დიზაინი
რელიგია
მედიცინა
სპორტი
კადრს მიღმა
კულინარია
ავტორჩევები
ბელადები
ბიზნესსიახლეები
გვარები
თემიდას სასწორი
იუმორი
კალეიდოსკოპი
ჰოროსკოპი და შეუცნობელი
კრიმინალი
რომანი და დეტექტივი
სახალისო ამბები
შოუბიზნესი
დაიჯესტი
ქალი და მამაკაცი
ისტორია
სხვადასხვა
ანონსი
არქივი
ნოემბერი 2020 (103)
ოქტომბერი 2020 (210)
სექტემბერი 2020 (204)
აგვისტო 2020 (249)
ივლისი 2020 (204)
ივნისი 2020 (249)

გულგაწეული

ანუ საჩუქარი ყველას უნდა

გასული წლის 8 მაისს საქართველოს პრეზიდენტმა განკარგულება გამოსცა და მაშინ თანა-, აწ კი ანტიგუნდელ ქ-ნ ბურჯანაძეს „საქართველოს პარლამენტარიზმისა და დემოკრატიული ღირებულებების განვითარებული წვლილისა და ქვეყნის წინაშე გაწეული განსაკუთრებული ღვაწლისთვის“, როგორც ახლა გაირკვა, 12 მილიონის ღირებულების ქონება სიმბოლურ 1 ლარად გადასცა. მაშინ არც ერთ უმრავლესობელსა თუ მთავრობის წევრს კრინტიც არ დაუძრავს, იმსახურებდა თუ არა ქ-ნი ბურჯანაძე საჩუქარს (შესაძლოა, იმიტომაც არ დაუძრავთ, რომ დასაჩუქრებას, ადრე თუ გვიან, თავადაც იმედოვნებდნენ). მაგრამ, ხანი გამოხდა და, თუკი თანაგუნდელების მიტოვების შემდეგ ქ-ნ ბურჯანაძეს წყნეთურ საჩუქარს მხოლოდ უხსენებდნენ, მოგვიანებით (როცა ქ-ნ ბურჯანაძეს გულმა არა მხოლოდ გაუწია ოპოზიციისკენ, თავად იქცა გულად), ქონების გადასახადის გადაუხდელობის გამო მილიონნახევრიანი ჯარიმაც დააკისრეს; უფრო მეტიც, ბ-ნმა გოკა გაბაშვილმა ისიც ბრძანა, რომ „პრეზიდენტის გადაწყვეტილება (წყნეთის აგარაკი – ერთ ლარად) სამართლებრივი თვალსაზრისით სადავო არ არის, თუმცა ამ გადაწყვეტილების პოლიტიკური მიზანშეწონილობა აშკარად სადავოაო“ (ხალხის, „ნაციონალური“ წარმოშობის რჩეული გაკვირვებულია, ბურჯანაძეს ქონების გადასახადის გადახდაც არ უნდაო!). არანაკლებ გააფთრებულ-გაკვირვებულია ბ-ნი თორთლაძეც (თუმცა ისიცაა, ამ უკანასკნელს გააფთრება ერთგვარ ბუნებრივ მდგომარეობადაც ექცა), განსაკუთრებით გადასახადების გადაუხდელობის მიმართულებით. ერთი სიტყვით, შესაძლოა, პრეზიდენტს საჩუქარი უკანაც დაუბრუნდეს (თუკი ქ-ნი ბურჯანაძე მილიონ-ნახევარს არ გადაიხდის, ქონება აუქციონზე გაიყიდება). ხოლო, თუ ბ-ნი გაბაშვილის მოსაზრებას გავიხსენებთ, „სააკაშვილმა მრავალ ქვეყანაში დამკვიდრებული პრაქტიკის გათვალისწინებით იმოქმედა“ (როდესაც ბურჯანაძეს 12-მილიონიანი ქონება 1 ლარად გადასცა), არ არის გამორიცხული, უმრავლესობა და მათი თანამგრძნობები იმედოვნებდნენ, რომ, შესაძლოა, მათაც ერგოთ, თუ მთლიანად არა, წყნეთური საჩუქრის ნაწილები მაინც და, შესაძლოა, საჩუქრის ოდენობა გამოხატული აღშფოთების პირდაპირპროპორციულიც იყოს.

скачать dle 11.3