მარკოზ განშორებული: სუფთა სინდისი ლოცვით მოიპოვება, ხოლო სუფთა ლოცვა – სინდისით.

ისაკ ასური: გიყვარდეს ცოდვილნი, მაგრამ გძულდეს მათი საქმენი.

იოანე სინელი: წმიდაა იგი, ვინც სიყვარულს (ხორციელს) სიყვარულით (ღვთაებრივით) ამარცხებს და ხორციელ ცეცხლს უნივთო ცეცხლით დაშრეტს.

იოანე კიბისაღმწერელი: შეუძლებელია, უხაროდეთ იმ ადამიანებს, რომელნიც არ ლოცულობენ.

იოსებ ათონელი: ყოველი გასაჭირი, რომელიც გვაქვს – ადამიანთაგან იქნება იგი, დემონთაგან თუ ჩვენივე ბუნებისგან – ფარულად ყოველთვის შეიცავს შესაბამის შენაძენს. და ვინც სულგრძელობით ითმენს, იღებს საზღაურს: აქ – დაწინდვას, იქ კი – აღსრულებას.

გაბრიელ ეპისკოპოსი: ყველა, ვინც ღმრთის მცნებებს აღასრულებს, უარყოფს თავის თავს, თავის ჯვარს იღებს და უფალს შეუდგება.

იოანე ოქროპირი: ურწმუნო კაცი მსგავსია, უსაჭო ხომალდისა, რომელიც ზღვის ღელვას აქეთ-იქით მიმოაქვს. ღუზა საჭიროა ხომალდისთვის ქარიშხლის დროს; სარწმუნოება საჭიროა კაცისთვის გაჭირვების დროს.

***

გინდათ, თქვენი სულის ფასი იცოდეთ? შეხედეთ გამოსყიდვის ფასს. არა მთელი ქვეყნის ოქრო, მთელი ქვეყანაც კი, ამ ყველაფრით, რაც კი მასშია, არამედ თავად უფალი იყო ჩვენი გამოსყიდვის ფასი.

სქემ-იღუმენი იოანე: თუ მკაცრად ადევნებ თვალს საკუთარ თავს, თავს ყველაზე უკანასკნელად ჩათვლი და მაშინ მაქებელნი ვერაფერს დაგვაკლებენ. ადამიანები მხოლოდ გარეგნულს ხედავენ, შინაგანს კი არ იცნობენ, იმათ გარდა, ვინც სულიერად ცხოვრობს.

ბერი იაკობი: რამდენი ფული წავიდა ჩემი ხელიდან, მაგრამ წავიდა დანიშნულებისამებრ: ავადმყოფებისთვის, ღარიბებისთვის, გაჭირვებულებისთვის. ყოველთვიურად ვეხმარები გაჭირვებულებს პროდუქტით და ფულით. მე ერთხელ გავცემ, ღმერთი ათმაგად მიბრუნებს.

ეფრემ ასური: ციურ ფრინველთაგან ყველაზე დიდი და ძლიერი არწივია, ქვეყნიურ მხეცთაგან – ლომი, ხოლო ადამის ძეთაგან – უდიდესი და უძლიერესი ღვთისმოშიში კაცი.

ტიხონ ზადონელი: თვით უმცირესი ჩიტუნაც კი არ არის მამაზეციერისგან მივიწყებული.

ნიკოდიმოს ათონელი: ძალიან სახიფათოა, ღვთის შესახებ თქვა ის, რაც თავში მოგივა – რაც არ უნდა დიდ ჭეშმარიტებად გეჩვენებოდეს იგი.

მარკოზ განშორებული: თუ ხარ ცოდნისმოყვარული, იყავი შრომისმოყვარულიც, რამეთუ მარტოოდენ ცოდნა ადამიანს მედიდურს ხდის.

ეგნატე ბრიანჩანინოვი: არც ერთი ღვაწლი ისე მარჯვედ და ისეთი ძალით არ განაგდებს ცოდვას, როგორც მოძღვრისთვის ყოველდღიური აღსარების ჩაბარება.

პეტრე დამასკელი: როდესაც გონება ზღვის ქვიშასავით ურიცხვ საკუთარ ცოდვებს დაინახავს, ეს იქნება სულის განათლების დასაწყისი და გაჯანსაღების ნიშანი.

ბერი პაისი: ღმერთმა ცდუნება იმიტომ დაუშვა, რომ მწუხარებითა და ცრემლით ჭუჭყისგან განიწმინდოს და უმანკო გახადოს ჩვენი სული, რათა შეგვეძლოს გადასარჩენად უფალს მივაშუროთ.