მიხო შინ ბრუნდება და ხედავს, მისი ცოლი და უბნის ექიმი ერთად წვანან.
– მანდ რას აკეთებ?
– მაროს სიცხეს ვუზომავ.
მიხომ კარადიდან თოფი გამოიღო და ექიმს ეუბნება:
– ერთი მაგ გრადუნიაზე ციფრები არ ეწეროს და დედას გიტირებ!
***
გურული საავადმყოფოში ახლობლის სანახავად მივიდა. პალატასთან ავადმყოფის ცოლი დახვდა და ეუბნება:
– ძალიან ცუდად არის და, იქნებ, როგორმე გაამხნევო.
– აბა‚ ძამა‚ ვკვდებით? – შესძახა ავადმყოფს პალატაში შესულმა მნახველმა.
***
– წუხელ მუზა მეწვია‚ ავდექი‚ შუქი ავანთე‚ მაგრამ ვერაფერი დავწერე...
– აი‚ კიდევ ერთხელ დავრწმუნდი‚ რა დიდებული გამოგონებაა ელექტრობა.
***
ქუთაისელი პატრული აჩერებს მძღოლს:
– რატომ გადაკვეთე ღერძულა ხაზი? აქანე ეს თეთრი საღებავი დაღვრილი ხომ არ გგონია?
***
ლოთი სასაფლაოზე მიბანცალებდა, ამოთხრილ საფლავში ჩავარდა და იქვე დაეძინა. დილით მთლად გაყინულს გაეღვიძა. ხედავს‚ თავზე ვიღაც კაცი ადგას და ეკითხება:
– რა‚ გაიყინე? გცივა?
– კკკიიი...
– მერე‚ რას თხრიდი და მოძვრებოდი ზემოთ?..
***
მეხუთე სართულის აივნიდან კაცი ასაკოვანი ქალის გადმოგდებას ცდილობს. დაბლა შეგროვილი ხალხი აღშფოთებას ვერ ფარავს.
– რას შვრები? დაანებე თავი მაგ ქალბატონს! მკვლელო! დესპოტო! სად არის პოლიცია!
– ეს მისი სიდედრია, თქვა ვიღაცამ.
– ეს ბებერი! – აყვირდა ხალხი‚ – ნახე‚ უძალიანდება კიდეც!