რონალდინიო კარიერის დასრულებაზე ალაპარაკდა
ვერა და ვერ აეწყო რონალდინიოს იტალიური კარიერა და ბრაზილიელმა ფეხბურთელმა შესაძლოა, ის დაასრულოს. მართალია, ამის შესახებ მას ოფიციალური განცხადება არ ჯერ გაუკეთებია, მაგრამ გადაწყვეტილების მიღებას ზაფხულში აპირებს.
„მივხვდი, რომ ფეხბურთს მოტივაციის არქონის გამო ვეღარ ვთამაშობ. რა უნდა მოვიგო მომავალში, მე ხომ ყველაფერი მაქვს? სამწუხაროდ, ამ ყველაფერს ადრეულ ასაკში მივაღწიე და ახლა თითქოს ვარჯიში მეზარება. არანაირი სტიმული და არანაირი შემართება, უბრალოდ, ვთამაშობ, იმიტომ, რომ ეს ჩემი სამუშაოა, ფეხბურთისგან კი სიამოვნებას თუ არ იღებ, თამაშს უნდა შეეშვა. ზაფხულში სერიოზული არჩევანის წინაშე დავდგები,“ – განაცხადა რონალდინიომ.