წინა კვირას „უეფამ“ ჩემპიონთა ლიგის გასული სეზონის საუკეთესოები გამოავლინა და წლის ფეხბურთელად მილანის „ინტერის” ფორვარდი, დიეგო მილიტო დაასახელა. არგენტინელმა თავდამსხმელმა შარშან მართლაც გამორჩეული სეზონი ჩაატარა. თუმცა, ისე ჩანს, იგი მარტო „უეფას“ აღიარებას არ დასჯერდება.

„ფეხბურთი არ მიყვარდა, მაგრამ მისი ყურება მას შემდეგ დავიწყე, რაც დიეგო მილიტოს მოვკარი თვალი. როცა ის ბურთით არის და მეტოქის კარისკენ მიიწევს, აღვიგზნები, ხოლო როცა გოლი გააქვს, სიამოვნებას ვიღებ“, – ეს განცხადება იტალიაში მოღვაწე მოდელმა, კარიმ სეპულვედიმ გააკეთა და მილიტოს სიყვარულის ნიშნად „ინტერის” მაისურში გამოწყობილმა საინტერესო ფოტოსესიაც მოაწყო.

როცა დიეგოს ამის შესახებ უთხრეს, სიხარულისგან გადაირია და აღნიშნა, კარიმთან შეხვედრაზე ბურთით მივალ, ჯერ რომ აღიგზნოს და მერე გოლსაც გავუტანო. ახლა მთელი იტალიური მედია იმის მოლოდინშია, რომ წყვილმა „მატჩი” დახურულ სტადიონზე არ ჩაატაროს და მედიას რამე არ გამორჩეს. არადა, ასეთი „შეხვედრების” გამართვა საჯაროდ ცოტა არ იყოს უხერხულია.