მარია ვერჩენოვა ერთადერთი რუსი მეგოლფე ქალია, რომელიც ყველა სერიოზულ ტურნირში რეიტინგის მიხედვით ხვდება, წარმატებებიც აქვს, გვარიან თანხასაც შოულობს და არც პოპულარობას უჩივის. გასულ კვირას ის სატელევიზიო შოუში „რა სურთ ქალებს” მიიწვიეს და მანაც გულახდილობის საღამო მოაწყო. პირველად, ვერჩენოვას ის ჰკითხეს, ქალებში რა მოგწონსო, რაზეც მან ქედმაღლურად განაცხადა, ქალებს არ ვაკვირდები და ამიტომ, ვერ ვიტყვი, რა მომწონსო. მერე კაცების ჯერი დადგა.

„კაცებში ყველაზე მეტად დიდი საფულე მომწონს. მომწონს დუბაი, მაგრამ იქ რომ იცხოვრო, ბევრი ფული უნდა გქონდეს. ამიტომ, ვარჩევ კაცებს საფულის მიხედვით, სიყვარული კი მერე ალბათ თავისით მოვა. თუ არ მოვა და არც არაფერი დაშავდება, ფული ყველაფერს გადაგატანინებსო“, – განაცხადა ვერჩენოვამ.