იტალიაში ახალი სეზონის დაწყებამდე ყველა კლუბი პრეზენტაციას აწყობს და გარდა ახალი სათამაშო ფორმისა, გუნდის თილისმასაც წარადგენს ხოლმე. გამონაკლისი არც წლევანდელი სეზონია და გადაწყვეტილია, რომ „უდინეზეს” თილისმა სერბი მოდელი – ნინა სენიჩარი იქნება. ასეთი გადაწყვეტილება კი კლუბის გულშემატკივრებმა გამოკითხვის შედეგად მიიღეს.

ნინა თავის დროზე მხედარი იყო და საცხენოსნო სპორტში წარმატებებიც ჰქონდა, თუმცა მერე „მის სერბეთი“ გახდა და მიხვდა, რომ მხედრული ნიჭი სხვაგანაც უნდა გამოეყენებინა. ახლა ის იტალიაში ცხოვრობს და მასზე, როგორც მოდელზე, დიდი მოთხოვნაა. რაც მთავარია, ამბობენ, ნინას ძველი თვისებები არ დაუკარგავს და ცხენოსნობა ისევ ეხერხებაო, რაც დაგვეთანხმებით, მისი პროფესიის ადამიანს დამატებით ხიბლსა და ფასს ჰმატებს.