მართალია, წლევანდელ „ახალი ტალღის” კონკურსზე იურმალაში, ქართველი კონკურსანტები სუბიექტური თუ ობიექტური მიზეზების გამო, არ იღებდნენ მონაწილეობას, მაგრამ იქ სტუმრებსა და ჟიურის შორის კვლავ აქტიურობდნენ ქართველები, ანუ უკვე სტაჟიანი „ახალტალღელები” ქეთა თოფურია და ვალერი მელაძე. ასევე, ტრადიცია არ დაარღვია და იურმალას წელს ისევ ესტუმრა გერმანიაში მცხოვრები, ჩვენი თანამემამულე, ბრენდონ სტოუნი, იგივე ბესიკ შპეტიშვილი.

მართალია, გერმანიაში მოღვაწე ქართველ მომღერალს ბალტიისპირულ ქალაქში, კონკურსზე შარშანდელისგან განსხვავებით, ახალი კონკურსანტი არ ჩაუყვანია, მაგრამ ახალი ამბავი კი ნამდვილად ჩაიტანა და გულთბილი მილოცვებიც მიიღო.

საქმე ისაა, რომ ბრენდონი მამა გახდა. მას პირველი შვილი, პატარა ლაურა შეეძინა. ერთი თვის წინ კი მან ბერლინში, შარლოტენბურგის რაიონში, საკუთარი კლუბი გახსნა, სადაც უამრავი ცნობილი მომღერალი და შოუ-ბიზნესის წარმომადგენელი დადის და ერთობა.