ზაზა ფაჩულიას უმცროსი შვილი საქართველოში გაქრისტიანდა
ცნობილი ქართველი კალათბურთელი ზაზა ფაჩულია ოჯახთან ერთად თბილისშია და ევროპის ჩემპიონატის შესარჩევი ტურისთვის ნაკრებთან ერთად სერიოზულად ემზადება. რამდენიმე დღის წინ ზაზას უმცროსი შვილი, საბა ფაჩულია გაქრისტიანდა. საბა მამა დავითის ეკლესიაში, დედის – თიკას მოძღვარმა, მამა იოანემ მონათლა. ნათლიები იყვნენ: 2 წლის ნიკოლოზ ნაკაიძე, ზაზას მეგობარი შიო ხეცურიანი და თიკას ბავშვობის მეგობარი – მარი ჟღენტი. ეს სასიხარულო დღე ზაზამ და თიკამ ნაკრების წევრებთან და მეგობრებთან ერთად რესტორან „კრწანისში“ აღნიშნეს. ნათლობის მეორე დღიდან კი, ნაკრების წევრებმა კვლავ დატვირთული დღის რეჟიმით განაგრძეს ვარჯიში და მეტად სერიოზული და საპასუხისმგებლო თამაშებისთვის მზადება.