***
– ნახე‚ ეს ვერტმფრენი უკვე ათი წუთია‚ ერთ ადგილზე არის გამოკიდებული.
– ალბათ‚ ბენზინი გაუთავდა.
***
ორი გლეხი ერთმანეთს შეხვდა:
– შენი პირუტყვი უკვე დანიშნე?
– კი. ძროხებზე არ გაგვჭირვებია‚ აი‚ ფუტკრებზე კი მაგრა გავწვალდით.
***
სოფელში მოხუცი ქალები ბირჟაზე სხედან:
– გოგოებო‚ ნახეთ გუშინ ტელევიზორში ბრიჯიტ ბარდო? როცა ახალგაზრდები ვიყავით‚ რამდენს ვნატრობდით, მისნაირები ვყოფილიყავით‚ არა?
– მერე?
– მერე‚ გაიხარეთ‚ აგვიხდა ოცნება!
***
პატარა კოკა ეზოში ორმოს თხრის.
– რას აკეთებ? – დაინტერესდა მეზობელი.
– ჩემი ოქროს თევზი მოკვდა და დავმარხე‚ – თავის აუწევლად უპასუხა ბიჭმა.
– მერე ამხელა ორმო რად გინდოდა?
– ჩემი ოქროს თევზი თქვენი კატის მუცელშია!
***
მეზღვაურებთან კითხულობენ ლექციას ოჯახის შესახებ:
– ოჯახური ღალატი‚ სამწუხაროდ‚ იშვიათი არ არის. სოციოლოგები ამტკიცებენ‚ რომ ყველაზე მეტად ღალატობენ მსახიობები‚ მერე სპორტსმენები‚ შემდეგ მეზღვაურები. მიზეზი დიდი ხნით განშორებაა.
– ბოდიში‚ მაგრამ, 30 წელია, დავცურავ და ცოლისთვის არ მიღალატია.
– აი‚ ამისთანების წყალობითაა‚ რომ მხოლოდ მესამე ადგილზე გავედით. ზუსტად შენისთანები არცხვენენ ფლოტს!
***
თვითმფრინავში მგზავრები ერთმანეთს ესაუბრებიან... რა თქმა უნდა, ყველაფერზე და სპორტზეც...
– კრივი‚ პირადად ჩემთვის‚ სპორტის საუკეთესო სახეობაა. მაგით ვშოულობ ფულს.
– ალბათ‚ მოკრივე ხართ?
– არა‚ ღმერთმა დამიფაროს! კბილის ექიმი ვარ.