გასულ კვირას „გრანდ კაფეში“ რეტრო სიმღერების საღამო მოეწყო, სადაც ბენდის თანხლებით პაატა დეისაძე, თამთა ცხვიტარია, ზურა ცაგარელი ავლენდნენ საკუთარ შესაძლებლობებს. მათ შეასრულეს ძველი ფრანგული და სხვა უცხოური სიმღერები, რომლებიც „გრანდ კაფეს“ ინტერიერსა და სიტუაციას ძალიან მოუხდა. საღამოს ორგანიზატორების წყალობით, კაფეში შეკრებილი სტუმრები რამდენიმე საათით მოსწყდნენ დაძაბულ ყოველდღიურობას და ფრანგული მუსიკისა და სიმღერის ფონზე ისეთი განწყობა ჰქონდათ, თითქოს, თბილისში კი არა, პარიზში, ეიფელის კოშკის ერთ-ერთ რესტორანში იმყოფებოდნენ. საღამოზე იმღერეს, ასევე, „ვარსკვლავების აკადემიის“ ნახევარფინალისტმა ნიკა როყვამ და ჯეოსტარელმა ელენე ფოჩხუამ, რომლებმაც დამსწრე საზოგადოების აცეკვებაც კი შეძლეს. საღამოს უძღვებოდა ენერგიული და ენაწყლიანი თამუნა გომართელი. სწორედ მან გაათამაშა სტუმრებს შორის სპონსორებისგან დაწესებული პრიზები, რითაც საღამო უფრო საინტერესო და ხალისიანი გახდა.