რეკლამა ამერიკულად
ამერიკელი ბეტ ფიტენი თავის დროზე ტანმოვარჯიშე გახლდათ, მაგრამ ახლა, 30 წლის ასაკში, მან კარიერა დაასრულა და, რადგანაც სხვა რამის კეთება არ იცოდა, გადაწყვიტა, ტანვარჯიშში ნებისმიერი ასაკის ადამიანები მოემზადებინა. მაგრამ, რად გინდა – ფიტენს, რომელსაც გრანდიოზული წარმატებები არ ჰქონია, არავინ აკითხავდა. ჰოდა, ამიტომ, რეკლამაზე დაიწყო ფიქრი და ორიგინალურ გამოსავალსაც მიაგნო: მან „ფლეიბოისთვის“ გაიხადა და საკუთარი სხეული ჟურნალის პრიალა ფურცლებზე გამოფინა, ინტერვიუში კი თქვა, რომ ნებისმიერ მსურველს სიამოვნებით ავარჯიშებდა.
ჟურნალის გამოსვლის შემდეგ ბეტს რიგი დაუდგა. მართალია, მასთან ვარჯიშის სურვილი ძირითადად მამაკაცებმა გამოთქვეს, მაგრამ ფიტენი ამას არ შეუშინებია.
„ჩემთვის მნიშვნელობა არ აქვს, რა ასაკის იქნება ჩემი მოსწავლე, ჯანმრთელობა ხომ ყველას სჭირდება“, – განაცხადა სპორტსმენმა, მაგრამ ახლა საკითხავია, რისი ვარჯიშის იმედად მივიდნენ მასთან ძლიერი სქესის წარმომადგენლები.