ჩვენში ამბობენ, ქალი ლამაზიო, მაგრამ ესპანურად სხვაგვარად ყოფილა. ყოფილი „მის ესპანეთი“ მარია სუარესი ბავშვს ელოდება. ქალი ამტკიცებს, შვილი ცნობილი ჩოგბურთელის ფელისიანო ლოპესის არისო, მაგრამ თავად ჩოგბურთელი ამ ამბავს უარყოფს – მარია ორი თვის ფეხმძიმეა, მე კი სამი თვის წინ დავშორდიო.

სამაგიეროდ, ქალი არ ცხრება და ფელისიანოს ორი თვის წინ მომხდარს ახსენებს, როცა მას მთვრალმა ჩოგბურთელმა შინ მიაკითხა, პატიება სთხოვა და ის ღამე ერთად გაატარეს. მართალია, მეორე დღეს ლოპესმა ყველაფერი უარყო, შესარიგებლად არ მოვსულვარო, მაგრამ ქალი ფეხმძიმედ არის და ხელს მისკენ იშვერს.

ესპანური მედია კი იმასაც ვარაუდობს, რომ ბავშვი შესაძლოა, კრიშტიანუ რონალდუსი იყოს. ლოპესთან დაშორების შემდეგ, მარია დაღონებულ გულს „რეალის“ ფეხბურთელთან იმხიარულებდა, მაგრამ პორტუგალიელ ვარსკვლავს მამობა ჯერ არ ბრალდება.