“სიბრძნე მინიატურაში„ უკვე ქართველი მკითხველისთვისაც ხელმისაწვდომია
გასულ კვირას, თავისუფალ თეატრში შედგა გია მურღულიას წიგნის – „სიბრძნე მინიატურაში“ პრეზენტაცია. წიგნში შესულია ჩინური, იაპონური და ამერიკული იგავები. როგორც თავად ბატონმა გიამ თქვა, სანამ ამ წიგნისთვის 143 იგავს აარჩევდა, ათასამდე იგავის წაკითხვა მოუწია.
წიგნში შესულია არა მხოლოდ ძველი, არამედ თანამედროვე იგავებიც, რომლებიც ყველა თაობის ადამიანისთვის მარტივად აღსაქმელია. წიგნის მხატვარია ცნობილი ქართველი კინორეჟისორი რეზო ესაძე.
პრეზენტაციას ესწრებოდა ბევრი ცნობილი ადამიანი, მათ შორის იყვნენ: ეკა ხოფერია, ზაზა ბურჭულაძე, ლადო კახაძე, ნიკუშა შენგელაია, რეზო ესაძე და სხვები.
სცენაზე წაკითხულ იგავებს დამსწრე საზოგადოების ოვაცია მოჰყვა. ასე რომ, „სიბრძნე მინიატურაში“ უკვე იყიდება.