წვნიანი „პიკანტი“

საჭირო ინგრედიენტებია: 200 გრამი მოხარშული ძროხის ხორცი, 5 ცალი კარტოფილი, 2 ცალი ხახვი, 1 სტაფილო, 1 კონა ოხრახუში, 2 სადილის კოვზი ზეთი, 250 გრამი დაკონსერვებული სიმინდი, 1,5 ლიტრი ბულიონი, მარილი, შავი პილპილი.

მომზადების წესი: კარტოფილი გათალეთ, გარეცხეთ და კუბიკებად დაჭერით. ხახვი გაარჩიეთ და დაჭერით ძალიან წვრილად, მოშუშეთ ზეთში, დაუმატეთ კარტოფილი და ერთად შუშეთ თავდახურულ ქვაბში, ჩაყარეთ წვრილად დაჭრილი სტაფილო, დაასხით ბულიონი და როცა ადუღდება, 10 წუთის შემდეგ ჩაყარეთ კუბიკებად დაჭრილი ხორცი. როცა ყველაფერი მოიხარშება, ჩაუმატეთ სიმინდი. ადუღეთ კიდევ 5 წუთი და ოდნავ ამოზილეთ. უყავით მარილი, პილპილი – გემოვნებით. სულ ბოლოს ჩაყარეთ წვრილად დაჭრილი ოხრახუში და გადმოდგით ქურიდან.