ბლანკა შეყვარებულია
სიმაღლეზე ხტომაში მსოფლიო ჩემპიონი და თანამედროვეობის უდიდესი სპორტსმენი ბლანკა ვლასიჩი „უკარება ქალის“ სახელით არის ცნობილი. ჟურნალისტებმა მხოლოდ ის გამოქექეს, რომ ხორვატი გოგონა ყოფილ შეყვარებულს შარშან, მას შემდეგ დაშორდა, რაც კაცმა მას სცემა. მუშტი-კრივის მიზეზი კი ის გახდა, რომ ვლასიჩმა შეყვარებულს კოკაინისთვის ფული არ მისცა. მას შემდეგ გოგონა მარტო იყო და ჟურნალისტთა მცდელობის მიუხედავად, იგი ვერსად გამოიჭირეს.
ორიოდე კვირის წინ დასრულებულ მსოფლიო ჩემპიონატზე ვლასიჩმა პირველი ადგილი დაიკავა და ოქროს მორიგი მედალი მოიპოვა, თუმცა ამაზე საინტერესო ის არის, რომ მან რომანი შვედ შუბის მტყორცნელ ანდრეას ტორკილდსენთან გააბა. ეს უკანასკნელი დიდი შედეგებით ვერ დაიკვეხნის, თუმცა, ბლანკას „შებმაც“ სერიოზული შედეგია. წყვილს ჯერ ოფიციალური კომენტარი არ გაუკეთებია, მაგრამ ის ფაქტი, რომ ტურნირის ბოლო დღეს წყვილი საცხოვრებლად ერთ ნომერში გადავიდა, კომენტარზე მეტიც უნდა იყოს.