***

მატარებლის კუპეში ერთად მოხვდნენ ქართველი კაცი და რუსი გოგონა. ქართველი ეკითხება გოგონას:

– გინდა‚ წითელ ნიანგს გაჩვენებ?

– როგორ მიბედავთ! – აღშფოთდა გოგონა.

– როგორ გეკადრებათ‚ უბრალოდ‚ მინდოდა‚ გენახათ ჩემი წითელი ნიანგი.

– თავხედო‚ თუ არ მომეშვებით‚ გამცილებელს დავუძახებ!

– რატომ ბრაზობთ? მე მხოლოდ გაჩვენებთ...

გოგონამ გამცილებელი გამოიძახა და შესჩივლა‚ რომ მისი თანამგზავრი უწესო წინადადებას სთავაზობს.

– რაშია საქმე‚ მოქალაქევ? – მიმართა მგზავრს გამცილებელმა.

– ვერაფერი გამიგია‚ რატომ გამიბრაზდა. აი‚ ნახეთ‚ შვილისთვის გასაბერი წითელი ნიანგი მიმაქვს. მაინტერესებდა‚ მოეწონება თუ არა ბავშვს ეს საჩუქარი და ვთხოვე, ენახა‚ მაინც ქალია.

– გოგონა‚ თქვენ რა‚ სხვა საქმე არ გაქვთ? სამუშაოს ტყუილად მომაცდინეთ! – უსაყვედურა გამცილებელმა და წავიდა.

ქართველი კვლავ მიუბრუნდა გოგონას:

– ხომ არ გინდათ‚ ის წითელი ნიანგი გაჩვენოთ‚ რაც თქვენ იგულისხმეთ?

***

– საშინელი სიზმარი ვნახე‚ – უთხრა სამსახურში მისულმა გოგამ ძმაკაც თანამშრომელს‚ – ვითომ დაუსახლებელ კუნძულზე ვიყავით. ჩემთან ერთად იყვნენ ნაომი ქემპბელი‚ ჯულია რობერტსი‚ კლაუდია შიფერი...

– მერე‚ ეგ არის საშინელი სიზმარი?! – გაუკვირდა თანამშრომელს.

– მე მერლინ მონრო ვიყავი...