ოლიმპიური სოსისი
ბელარუსში ყველაზე მსხვილმა ხორცის მწარმოებელმა კომბინატმა საინტერესო აქცია წამოიწყო: კომბინატის გენერალურმა დირექტორმა ზამთრის ოლიმპიადის მედალოსნები შეკრიბა და, ჯერ ხომ მადლობა გამოუცხადა, ბელარუსია რომ ასახელეს, მერე კი გამაოგნებელი წინადადებაც შესთავაზა:
„ჩვენ ბევრი დასახელების ძეხვს, სოსისსა და სარდელს ვაწარმოებთ. მინდა, რომ ჩვენი პროდუქცია ოლიმპიელთა მთავარი საკვები გახდეს. ამიტომ, მომავალ ოლიმპიადამდე, ანუ უახლოესი ოთხი წლის განმავლობაში, თითოეულ ოლიმპიელს შინ ყოველდღიურად ძეხვს, სოსისს ან სარდელს მიუტანენ. რა თქმა უნდა, ისინი ამაში ფულს არ გადაიხდიან, მხოლოდ წინა ღამით მოუწევთ ფირმაში დარეკვა, რათა შეგვატყობინონ, რას ინებებენ მეორე დღისთვის“, – განაცხადა გენდირექტორმა და პირველი სოსისები იქვე ჩამოარიგა.