გოგი ჩაგელიშვილის გამოფენა “ქარვასლაში”
8 აპრილს, საგამოფენო ცენტრ „ქარვასლაში“ გაიხსნა ხელოვან გოგი ჩაგელიშვილის გამოფენა – „ცხრა აპრილის შემდეგ“, რომელიც ეძღვნებოდა ყველა იმ ტრაგიკულ მოვლენას, რომელიც რუსეთის „წყალობით“ საქართველოს და მის მოსახლეობას თავს გადახდა – აფხაზეთის ომი, 2010 წლის აგვისტოს მოვლენები და სხვა. მხატვარმა ძალიან საინტერესო ნამუშევრები წარმოადგინა. რამდენიმე მათგანი დამწვარი ფიცრის ფანჯარაში იყო ჩასმული. ერთ-ერთ ტილოზე, რომელიც ასევე დამწვარ ფიცარში იყო ჩასმული, დევნილი მოხუცები არიან გამოსახული და საოცარ სევდას ჰგვრიან მნახველს. ბატონ გოგის, ცხინვალიდან ჩამოუტანეს ომის დროს დამწვარი სახლის ფიცარი, რომლისგანაც შეიქმნა ფართო ფანჯარა და მის შიგნით ზეთის საღებავებით შთამბეჭდავი ნახატი შეასრულა. საინტერესო იყო აფხაზეთის თემაც, რომელიც ინსტალაციით იყო გადმოცემული. ზღვის ფონზე ყვავილების თაიგულს მავთულხლართი ჰქონდა შემოვლებული, ისე, როგორც ჩვენ ტერიტორიებს შემოავლო რუსეთის ფედერაციამ. გახსნაზე უამრავი სტუმარი იყო შეკრებილი, გამოფენა 6 მაისამდე გაგრძელდება.