„თბილისელების“ სამზარეულო
სალათა-ტორტი
საჭირო ინგრედიენტებია: 1 კონა მწვანე სალათის ფოთლები ფურცლები, 5 კვერცხი (მაგრად მოხარშული), 500 გრამი პომიდორი, 1 კონა მწვანე ხახვი, 1 კონა ბოლოკი, 250 გრამი ლორი ან მოხარშული ძეხვი, 200 გრამი გახეხილი ყველი, 6 ცალი პატარა პომიდორი ჩერი, მაიონეზი.
მომზადების წესი: სალათის ფოთლები გარეცხეთ, შეაშრეთ და ხელით მსხვილად დაფლითეთ. მაგრად მოხარშული კვერცხი თხელ რგოლებად დაჭერით. ასევე, დაჭერით პომიდორი და ბოლოკი. მწვანე ხახვი დაკეპეთ, ლორი კი კუბიკებად დაჭერით. ყველაფერი დიდ ლანგარზე დაალაგეთ ფენებად და მოასხით ფენებს შორის მაიონეზი. მოაყარეთ ყველი. ზემოდან უნდა იყოს კვერცხი. მიირთვით ჩხირზე წამოცმული პატარა პომიდვრებით.