მუტოლა ფეხბურთს დაუბრუნდა
ჟურნალისტი ჟოზე კრავეირინიო რომ არა, მსოფლიო ისეთ მძლეოსანს დაკარგავდა, როგორიც მოზამბიკელი მარია მუტოლა გახლავთ. როცა ჟოზემ მუტოლა პირველად ნახა, გოგონა 14 წლის იყო და ფეხბურთს თამაშობდა. ჟურნალისტმა ურჩია, ისე სწრაფად დარბიხარ, ფეხბურთს შეეშვი და მძლეოსნობა არჩიეო. მარიამ დაიჯერა და იგი დღემდე ერთადერთი მოზამბიკელი ოლიმპიური ჩემპიონია. სეულის ოლიმპიადაზე მუტოლამ 800 მეტრზე სირბილი მოიგო და ამას გარდა, მსოფლიოს ჩემპიონი რვაჯერ გახდა. თუმცა, დასასრული ყველაფერს აქვს და მუტოლას კარიერაც დასრულდა.
„ბევრი ვიფიქრე და ფეხბურთში დაბრუნება გადავწყვიტე. ჯერ კიდევ შემიძლია ვირბინო და დარწმუნებული ვარ, წარმატებებს აქაც მივაღწევ,“ – განაცხადა მუტოლამ.
ევროპული მედია კი ვარაუდობს, რომ სამშობლოში მარიას პოპულარობის გათვალისწინებით, გამორიცხული არ არის, მალე მან მოზამბიკის პრეზიდენტობაც მოინდომოს და წესით, გამარჯვებაც არ უნდა გაუჭირდეს.