ანეგდოტები
***
პატარები ბაქიაობენ:
– იცი, ჩვენ რა გვაქვს? რომ გაიხედავ‚ ყველაზე შორეულ ვარსკვლავსაც კი დაინახავ‚ ტელესკოპი ჰქვია‚ – თქვა ლუკამ.
– ჩვენ კი ისეთი რაღაც გვაქვს, ყველაზე მცირე უჯრედის დანახვა შეგვეძლება‚ – მიკროსკოპი დავარქვით‚ – არ ჩამორჩა საბა.
– ჩვენ კი ისეთი რამე გვაქვს, ბეტონის 1 მეტრი სისქის კედელში შეგიძლია, გაიხედო და, რაც იქით არის‚ ყველაფერი დაინახო‚ ფანჯარა ჰქვია‚ – ამაყად თქვა ბექამ.
***
განცხადება:
„გვესაჭიროება კოსმეტიკის გამყიდველი სასურსათო მაღაზიაში წიგნების გამყიდვლად“.
***
ამერიკელმა თავის კომპიუტერზე ახალი პროგრამის პირატული ვერსია დააყენა და თქვა:
– ესეც ასე‚ 300 დოლარის ეკონომია გავაკეთე!..
იგივე გააკეთა რუსმაც და თქვა:
– ესეც ასე‚ ეს ძაღლი ბილ გეიტსი 300 დოლარს ვეღარ მიიღებს.
***
– მართალია‚ რომ თქვენ 50 წელია, ერთად ხართ? – მიმართა ახალგაზრდა‚ მომხიბვლელმა ჟურნალისტმა მოხუც ცოლ-ქმარს.
– დიახ.
– და თქვენთვის რას ნიშნავს ეს?
– 5 წუთს.
– ეს როგორ? – გაოცდა ჟურნალისტი.
– 5 წუთს წყლის ქვეშ‚ აკვალანგის გარეშე‚ – უპასუხა კაცმა.