კესარიას შოუ “მიქსში„
19 მარტს კლუბ „მიქსში“, საქართველოში პირველად, ტრანსსექსუალმა საკუთარი შოუ მოაწყო. „კესარიას“ შოუ, სადაც მომსახურე პერსონალს და კესარიას მეგობრებს, მისი სიყვარულის აღსანიშნავად, ეცვათ მაისურები, რომლებსაც ეწერა, „მე მიყვარს კესარია“. ამ შოუს იდეის ავტორი და ფინანსური მხარდამჭერი კესარიას უცნობი უცხოელი თაყვანისმცემელია, რომელიც საკუთარ ვინაობას ჯერჯერობით არ ამხელს. შოუს ორგანიზატორი და წამყვანი კი თავად კესარია იყო. კლუბში შეკრებილ უამრავ ცნობილ ადამიანს მან საინტერესო სანახაობა დაახვედრა: მოეწყო ქალისა და მამაკაცის სამოსის ჩვენება. კოლექცია დიზაინერებს მარიშას და დათუნას ეკუთვნოდათ. იყო ცეკვები, რა თქმა უნდა, სტრიპტიზ-შოუ და უამრავი სიურპრიზი, რომელიც კესარიამ იმ ერთ დაუვიწყარ საღამოში ჩაატია.