„თბილისელების“ სამზარეულო
თევზი ლიმონით და პომიდვრით
საჭირო ინგრედიენტებია: 800 გრამი თევზის ფილე, მარილი, შავი პილპილი – გემოვნებით, 5 სადილის კოვზი ზეითუნის ზეთი, 4 პომიდორი, 2 თავი ხახვი, 3 ცალი დაფნის ფოთოლი, 1 ლიმონი.
მომზადების წესი: თევზის ფილე გამდინარე წყალში გარეცხეთ, შეამშრალეთ. თუკი ერთი ფხა მაინც აქვს, მოაცილეთ პინცეტით. ჩააწყვეთ ცეცხლგამძლე ფაიფურის ტაფაში. ლიმონი გარეცხეთ მდუღარე წყალში. თევზს მოასხით ზეთი. მოაყარეთ მარილი და შავი პილპილი. ზემოდან დაფარეთ რგოლებად დაჭრილი პომიდვრით, ხახვით და ლიმონით. მოაყარეთ დაფნის ფოთლები. კიდევ მოასხით ზეთი და აცხვეთ 40 წუთის განმავლობაში 200 გრადუსზე.