„თბილისელების“ სამზარეულო
კოქტეილი „ვიტა-კონიაკით“
საჭირო ინგრედიენტებია: 1 ვაშლი, 1 სტაფილო, 1 ჩაის კოვზი გახეხილი პირშუშხა, ცოტა დაფქული პიტნა, 3 სადილის კოვზი კონიაკი, 1 ცალი ლიმონი.
მომზადების წესი: სტაფილო გარეცხეთ და გახეხეთ წვრილკბილა სახეხზე. ვაშლი გათალეთ და ისიც გახეხეთ. შეურიეთ სტაფილოს და მაშინვე დაასხით 500 მილილიტრი მდუღარე წყალი. დაუმატეთ პიტნა და პირშუშხა. დადგით ცეცხლზე და მიიყვანეთ ადუღებამდე. გააცივეთ და სუფთად გადაწურეთ (გაფილტრეთ). შეურიეთ კონიაკი, ჩაასხით ორ ბოკალში და მორთეთ ლიმონის ქერქით. მიირთვით ოდნავ თბილი.