ანეგდოტები
***
ექიმი ეუბნება პაციენტს:
– ესე იგი‚ უნდა იცოდეთ‚ რომ თქვენ ვერ დალევთ‚ ვერ მოწევთ‚ ვერ უყურებთ ტელევიზორს....
– და ეს როდემდე?
– სანამ არ გადაიხდით ამ ანგარიშში მითითებულ თანხას.
***
წარწერები მდივანთან სასიგნალო ნათურების ქვეშ:
– „ბუღალტერია“‚ „ბოსი“‚ „სექსი“...
***
ქმარი თითქმის ყოველ საღამოს ნასვამი მოდის. ცოლმა ყველა ღონე იხმარა – თხოვნა‚ ჩხუბი‚ გაბუტვა – არაფერმა გაჭრა და, გადაწყვიტა‚ შეეშინებინა: იშოვა რაღაც საშინელი ნიღაბი‚ გადაიცვა ზეწარი, შუქები ჩააქრო და, ქმარი რომ ოთახში შემოვიდა‚ წინ შეეფეთა.
– შშენ მე ვერ შშემაშინებ‚ მე შენს შვილზე ვარ დაქორწინებული...
***
დიდი ხანია, მეცნიერები მუშაობენ, მაგრამ, ჯერჯერობით ვერავინ აღმოაჩინა სიტყვა „ევრიკას“ ანტონიმი.
***
დიდი ხნის უნახავი ორი ებრაელი ერთმანეთს შეხვდა. მოიკითხეს ერთმანეთი. ერთ-ერთმა შესთავაზა, ბარში შევიდეთო.
– მერედა, ვინ გადაიხდის? – ჰკითხა მეორემ.
– მაგაზეც ვიფიქრე. აი, ხედავ შადრევნებს აუზში? მოდი, ორივემ ჩავყოთ თავი, ვინც პირველი ამოყოფს, ფულიც იმან გადაიხადოს.
...მეორე დღეს ყველა გაზეთები მკითხველს პატარა აუზში დამხრჩვალ ორ ებრაელზე მოუთხრობდა.