ანეგდოტები
***
სამშობიარო სახლში მამა ახალგაჩენილ შვილს სურათებს უღებს‚ ხან წინიდან‚ გვერდიდან‚ დაწოლილი‚ ხელში... მოკლედ, ბატარეის „დაჯდომამდე“ მამა არ გაჩერებულა.
– თქვენი პირველი ბავშვია? – ჰკითხა ექიმმა.
– არა, ბავშვი მესამეა‚ ფოტოაპარატია პირველი.
***
ექიმი პაციენტს სინჯავს:
– აჰა‚ კარგია! მობრუნდით‚ აჰა‚ გასაგებია!.. – შემდეგ „ავადმყოფობის ისტორია მოიმარჯვა და პაციენტს სთხოვა: – თუ შეგიძლიათ‚ პათანატომთან შედით...
პაციენტმა ფერი დაკარგა და ძლივს ამოილუღლუღა:
– რატომ?
– კალამი დამრჩა და იქნებ შემომიტანოთ...
***
„რა უცნაური რამეა კანონი: ერთი პურის მოპარვისთვის დამაპატიმრეს და, ყოველდღე თითო პურს უფასოდ მაჭმევენ, თანაც, არა მარტო პურს...“
***
„მერე იტყვიან‚ ტყუილია – „გალიაში ბულბულები ზიანო“... აი‚ მე პატიოსნების განსახიერება ვარ: ქალებში არ დავდივარ‚ არ ვსვამ‚ არ ვეწევი... აი გამათავისუფლებენ და ყველაფერი შეიცვლება“.
***
ტურისტული სააგენტო „მოსეს“ განცხადება:
„ეწყობა მოგზაურობა ეგვიპტეში“.