„თბილისელების“ სამზარეულო
სოკოს სალათა მწვანილით
საჭირო ინგრედიენტებია: 300 გრამი სოკოს მარინადი (დაკონსერვებული), სასურველია პატარა ზომების, დაჭრა რომ არ დასჭირდეს), 1 ცალი წითელი ხახვი, 2 ცალი მწვანე ხახვი, 150 გრამი მწვანე ზეთისხილი, 50 გრამი სალათის ფოთლები, 3 სადილის კოვზი ზეითუნის ზეთი, 1 სადილის კოვზი ლიმონის წვენი, თითო კონა ოხრახუში და კამა, 4 ცალი მაგრად მოხარშული კვერცხი, 1 ჩაის კოვზი მდოგვი. მარილი, შავი პილპილი – გემოვნებით.
მომზადების წესი: სოკოს გადაასხით მდუღარე წყალი და დაწურეთ. მოხარშული კვერცხი გაფცქვენით და თითოეული ოთხად გაჭერით. ხახვი დაჭერით რგოლებად – წითელიც და მწვანეც. სალათის ფოთლები დაფლითეთ ხელით, ჩაყარეთ ჯამში, დაუმატეთ სოკო, მოაყარეთ ხახვი, აურიეთ და მოამზადეთ სოუსი. ერთმანეთში აურიეთ ზეთი, მდოგვი, ლიმონის წვენი, პილპილი, მარილი და მოასხით სალათას. აურიეთ. მოაყარეთ მსხვილად დაჭრილი მწვანილი, რგოლებად დაჭრილი ზეთისხილი და ბოლოს კვერცხის ნაჭრები.