უცნაური რეალობა
* შოტლანდიაში ყველაზე მაღალგრადუსიანი ლუდი ჩამოასხეს – მისი სიმაგრე 32 გრადუსია და ერთი ბოთლი 30 ფუნტი სტერლინგი ღირს.
* ერთმა იტალიურმა საცხობმა კლიენტებს კოკაინით შეზავებული პურები შესთავაზა. პოლიცია მაშინ დაეჭვდა, როცა საცხობთან ყოველდღიურად, გრძელი რიგები შენიშნა.
* 14 წელი დასჭირდა ერთ ინდოელ გლეხს იმისთვის, რომ ოთხმეტრიანი გვირაბი გაეთხარა პატარა გორაკში. საქმე ისაა, რომ ეს გორაკი მას სახლთან მანქანის დაყენებაში უშლიდა ხელს.
* ერთმა ბრიტანელმა სამხედრომ, რომელიც დანიაში მსახურობს, ავღანეთში დაღუპული 223 ბრიტანელი ჯარისკაცის სახელი და გვარი ამოისვირინგა სხეულზე და თქვა, რომ ყველა ჭეშმარიტი ბრიტანელი ასე უნდა იქცეოდესო.
* ერთ ლონდონელ ქურდს საშინლად არ მოეწონა თავისი ფოტო, რომელიც გაზეთში დაიბეჭდა. გაინტერესებთ, სად იყო ფოტო განთავსებული?! გრაფაში – „იძებნება საშიში დამნაშავე“. ქურდმა თავი შეურაცხყოფილად იგრძნო და გაზეთის რედაქციაში რამდენიმე ფოტო გაგზავნა. ყველა მათგანში ის პოლიციის მანქანების ფონზეა გადაღებული.