როცა გეზარება
ლეგენდარული ინგლისელი ფეხბურთელი, ჰარი ლინეკერი, პირველ ცოლს რამდენიმე წლის წინ გაშორდა. პირველი ქორწინებიდან მას ოთხი ბიჭი ჰყავს. ჰარის უცოლოდ დიდხანს არ უვლია და 30 წლის მოდელი დანიელა სმიტი შეირთო. თავის მხრივ, მოდელს პირველი ქორწინებიდან გოგონა მოჰყვა. ეს კი იმას ნიშნავს, რომ წყვილს შვილის საერთო ყოლის პრობლემა არ უნდა ჰქონდეს, მაგრამ ისინი ამას სხვა კუთხით უყურებენ.
– მე და ჰარის პატარა ძალიან გვინდა, მაგრამ, პოდიუმიდან ვერ ჩამოვალ და, გადავწყვიტეთ, ბავშვი ვიშვილოთ. არ მინდა, ასაკიანი დედა ვიყო და ამიტომ, შვილს უახლოესი ერთი წლის განმავლობაში ავიყვანთ. ჰარიმ იდეა მომიწონა და ისიც მოუთმენლად ელის, როდის გვეყოლება პატარა ბავშვი, – განაცხადა დანიელამ.